Skip to main content

Posts

Showing posts from 2016

பென்ஸில் - ரப்பர் - மெஷின்...

நாம் காதலர்களாக இருந்திருக்கும் பட்சத்தில் எனது இப்பிறப்பு நிச்சயம் மேன்மை பெற்றதாக என்னால் உணர்ந்திருக்க முடியும்..
அந்தப் பொன்னான காதலிக்கிற காலங்களை பூங்காக்களிலும் கடற்கரை மணலிலும், சினிமா கொட்டகைகளிலும் இவை போக இன்னபிற பிராந்தியங்களிலும்.. நமது அற்புத காதலின் வீச்சு பரஸ்பரம் நமது ரசனைகளையும் உடல் ரசாயனங்களையும் பிரம்மாதப் படுத்தி இருக்கக் கூடும்..  

அந்த முதல் ஸ்பரிசமும், பிற்பாடான ஆலிங்கணங்களும் , நீண்டு .. நீண்டு இத்யாதி இத்யாதி என்று படர்ந்து .. ஒருகட்டத்தில் அந்த நறுமணம் கமழும் திருமண பந்தத்தில் காலடி எடுத்துவைத்து .. குழந்தைகள் .. சிற்சிறு சர்ச்சைகள், சற்றே மனஸ்தாபங்கள், மறுபடி இளகி .. பழைய விதமாக இணக்கப் படுவது .. என்கிற ஸ்தாயியில் யாவற்றையும் வரிசைக் கிரமமாக காலமோ கடவுளோ வாரி வழங்கி இருக்கும் பட்சத்தில்.... நினைத்தாலே இனிக்கிறதே..

ஆனால், துரதிர்ஷ்ட உச்சத்தில் எனது நிலை.. எம்மை சகோதர ஸ்தானத்தில் ஏற்கின்ற யோக்கியதையை கூட நான் இழந்து விட்டிருப்பதாக ஏனோ நீ ஒரு முறை என்னிடம் சொல்லித் தீர்த்தாய்..!
இத்தனை உமது வன்மத்திற்கான பிரத்யேக காரணி எதுவாக இருக்கமுடியும் என்று என்னால் யோசிக்கி…

"பளீர் "......................

================================
புணர்தல் என்பது 
உமக்கான பிரம்ம வாய்ப்பு.. 
உன் உயிரணுவும் 
பிரம்மனும் ஒருங்கிழைகிற 
மகோன்னத தருணம்.. ?

தன்வயமிழந்து 
பரஸ்பரம் சிலிர்த்துச் 
சிதறுகிற அந்தப் 
"பளீர்" க்ஷணம் 
பரவச உற்சவம்.. !

பிற்பாடாக.. ... .. 
ஆளாளுக்குப் பிய்ந்து போய் 
ஆசுவாசப் பட்டுக் கிடக்கையில் 
நித்திரையின் இனிய 
கோரப் பிடியில் இருவரும்.. !!

காமத்தின் மாய்மாலத்தில் 
கவிழ்ந்து கிடப்பதென்பது
திரவ போதை வஸ்த்துக்களை 
இரண்டாம் பட்சமாக்கும்
சம்பவமாகும்.. !

ஆபாச சாயம் பூசுகிற 
பத்தாம்பசலி வர்க்கங்களும்... 
ஆவேசக் குரலுயர்த்துகிற 
லேகிய விற்பன்னர்களும் 
காமத்தை விற்கத் தெரிந்த 
வல்லுநர்கள்.. 

வி ப த் து...................

என் ஜாக்கிரதை 
உணர்வுகளின் மீதான 
நம்பிக்கைகள் போன்றதே 
என் அஜாக்கிரதைகளின் 
மீதான அவநம்பிக்கைகளும்..!!

அநேக முறைகள் 
ஜாக்கிரதைகளே ஜெயித்துக் 
கொண்டிருக்கையில்--மிக 
அரிதாக திடீரென்று 
எனக்கு நிகழ்கிற 
விபத்தின் நிமித்தமாய் 
ஜெயித்துப் புன்னகைக்கிற 
எனது அஜாக்கிரதைகள் 
மீதான அவநம்பிக்கைகளை 
அப்புறப் படுத்தியாக வேண்டிய 
அவசியங்கள் அவசரமாகி 
விடுகிறன்றன.. !

பின்னொரு நாளின் 
நம்பிக்கைமிகு 
ஜாக்கிரதைகளோடு 
இனிதே பயணங்கள் 
துவங்குகையிலுமே கூட ... 
--அந்த 
விபரீத அஜாக்கிரதை வந்து 
சற்றே எம்மை 
உறங்க வைத்து 
ஸ்நேகிதமாகி விடுகிறது..!!

மன்னிக்கவும் 

மன முதிர்வு பெறா பிராயங்களின் வக்கிர உணர்வுகளை ரகசியமாக்கி மறைப்பதே இன்றைய மனமுதிர்வின் அடையாமாக இருக்க முடியுமே தவிர - அந்த சிறுபிள்ளைத்தனங்களை யதார்த்தம் என்கிற முகமூடி அணிந்து வெளியிடுதல் எனது இப்போதைய முதிர்ச்சியை அசிங்க அடையாளமாக்கிவிடக் கூடும் என்பதால் எனது அந்த அற்பக் கவிதையை நீக்கி விட்டேன். படித்து விட்டவர்கள் மன்னிக்கவும்!. LikeShow more reactions Comment

அ மி ல ம் ... .... ...

முன்குறிப்பு: இந்தக் கதை எமது அனுபவமன்று.... பற்பல கோணங்களில் வாழ்வினை சிந்திக்கிற வெறி .. எழுதவிழைகிற யாதொருவரின் தார்மீக சுதந்திரமாகி விடுகிறது, திட்டமிடா யதார்த்தமாகவே ..!!


முன்னொரு காலத்தில் ஒருதலைக் காதலில் தத்தளித்தது  "இப்போதைக்கு" என்னவோ பரவாயில்லை என்று தோன்றுவது வினோதமாக இல்லை?.. 
நீயும் கூட எனது அந்த ஒருதலைப் பட்சக்  காதலினை சுலபமாக அடையாளம் கண்டாய், மற்றும் ஒரு சாதாரணத் தோழனாக ஏற்றும் கொண்டாய்.. உமது இல்லம் வருகையில் புன்முறுவலோடு எம்மை வரவேற்றாய்.. உனது தாய்க்கும் தம்பிக்கும் என்னை 'இன்னார்' என்கிற ஓர் தகவலைக்  கூடக்  கொடுத்தாய்.. 

இன்றைய நமது சமுதாயத்தில் அங்கங்கே அவ்வப்போது நிகழ்ந்து கொண்டுவருகிற  பெண்கள் மீதான வெட்கமற்ற கேவலமான கொலைவெறித் தாக்குதல்களும், பிற்பாடு தாக்கிய அந்தப் பரதேசிகள்  தங்களையே  கொன்று விடுவதுமாக .. 

இந்தக் காலகட்டத்தின் ஒருதலைக் காதலர்கள் எல்லாம் துரதிர்ஷ்ட சாலிகள்.. நிச்சயம் அந்தப் பெண் துணுக்குற நேரும்.. தவிர்த்துவிட நேரும்.. தறுதலைகளின் ஒருதலைக் காதல்களால் தராதரத்தோடு ஒருதலைக் காதல் (?) செய்து வருகிற மாண்பு மிக்க மெல்லியவர்களும் பா…
நீ தரும் --

தொண்டை நனைக்கிற 
தீர்த்தமே.. 
என் தாகத்தை தீர்க்குதே..!

சோளப்பொரி தான் போடுறே..
யானைப் பசி இங்கு தீருதே ..!!

உன் ஒற்றை வியர்வைத் துளியில் 
இங்கு நடக்குது என் குளியல்.. 


நடுப் பகல் பௌர்ணமி குளிர்விக்க
இரவினில் தெரியுது வானவில்..  
இந்தக் காதல் கலவரத்தில்.. !

[சினிமா பாடல் புனைகிற சாதுர்யத்தை இன்னும் நான் புரிந்து கொள்ளவில்லை.. சற்றே பயிலும் பட்சத்தில் பல்லவி சரணத்தை இணைக்கிற சாமர்த்தியத்தை சுலபத்தில் பெறுவேன் என்று நம்புகிறேன்.. 
மேற்கிறுக்கப் பட்ட அந்தப் பாடலானது ..இன்று எனக்குள் முணுமுணுக்கப் பட்டது..  மறந்து விடுவேனோ என்கிற சந்தேக அவசரத்தில் உடனடி நிகழ்வாக பிளாகிலும் முகநூலிலும் பதிந்து விடுகிறேன்..
அர்த்தம் ரசிக்கிற வகையில் உள்ளனவா என்று நீங்கள் அபிப்பிராயம் சொன்னால் உதவிகரமாக இருக்கும்.. ]

சிரிக்கமுடியாத நகைச்சுவை..

நன்கு பரிச்சயமானவரின் 
அகால மறைவு 
க்ஷணங்கள் சில 
துணுக்குற வைத்து.. 
பிற்பாடாக வருகிறது 
ஒரு ஆசுவாசம்.. 

எவருக்கும் இது 
புது நிகழ்வன்று.. 
ஏதோ ஒரு தருவாயில் 
எல்லாருக்குமான 
திடுக்கிடல்.. 
எல்லாருக்குமான 
ஆசுவாசம் .. 

மறுபடி உடன்கட்டைமுறை 
பிரகடனப் படுத்தப்படும் 
பட்சத்தில் ..
சென்ற பிறப்பில் 
அவ்விதம் மாண்ட 
இப்பிறவிப் பெண்டிர் கூட 
துடைப்பமும் காலணியும் 
உயர்த்திப் போர்க்குரல் 
எழுப்பக் கூடும்.. !!

எல்லாருக்கும் தெரியும் 
துயரம் சில நாட்கள் என்று.. 
அதன்பிறகு அவ்வப்போது 
வருகிற இறந்தவர் ஞாபகத்தை...
சற்றே அழுது .. 
கண்ணீரில் சுண்டி எரிந்து விடலாம்...!

துயர் சில நாட்களே 
என்று புரிந்து விடுகிற நமக்கு 

சில நொடிகளே 
நீர்க் குமிழ் எனப் 
பருத்து வெடித்து விடக்கூடியவை 
சந்தோஷங்கள் என்பன 
என்பதும் தெரியாமல் இல்லை...!

அடர்த்திமிகு மரணத்தின் முன்னர் 
மிக சுலபத்தில் நீர்த்து 
விடும் தன்மை கொண்ட 
இந்த வாழ்வின் மீதான பிரக்ஞை 
மிகவும் அடர்த்தியாயிருப்பது 
முரண்பட்ட .. மற்றும் 
சிரிக்கமுடியாத நகைச்சுவையாக 
நமக்குள் அமிழ்ந்து கிடக்கிறது.. !!

ஒரு ஊர்ல ஒரு பிச்சைக்காரன்..

பிச்சைஎடுப்பதற்கென்று தகுதிகளாக "ஊனங்கள்" நிர்ணயிக்கப் பட்டுள்ளன.. 
உழைக்க சோம்பி பிச்சை எடுப்பவன் ஏதேனும் ஒரு கட்டத்தில் தோல்வி காண்பான்.. 

"காலு கையி நல்லா தானே இருக்கு?.. ஏதாச்சும் வேலை செஞ்சு பொழைக்க தெரியாதா?.." என்றொரு கேள்வி, எவரேனும் ஏதோ ஒரு தருவாயில் கேட்க நேரும்.. 

அப்படியான கேள்வி முதலில் சற்றே உறைத்து.. உழைக்கிற ஆயத்தத்துக்குப் போக வைத்தது சேகரை.. 

ஆனால் உடலின் வனப்பு, அவனது ஈன இதயத்திடம் தோல்வியுற்றது.. ஒருக்கால் பிச்சைத் தொழிலை துவங்கிய புதிதில் இந்தக் கேள்வி அவனிடம் தொடுக்கப்  பட்டிருக்குமாயின் லஜ்ஜை அவனுள் பீடித்து .. எங்கேனும் பீடி சுற்றவாவது கிளம்பி இருப்பான்.. ஆனால் அவனுடைய துரதிர்ஷ்டம் அப்படியொரு கேள்வி அவன் தொழில் துவங்கி பத்தாம் மாதம் தான் அவனிடம் கேட்கப் பட்டது.. மாதங்கள் பத்து ஆகிவிட்டதில், அவனுள் கருவுற்றிருந்த பிச்சைக் குழந்தை நன்கு வளர்ச்சி பெற்று அபார்ஷன் தகுதியை இழந்து விட்டிருந்தது.. 

ஆகவே சுகப் பிரசவமாக அவனுக்கு அவனது பிச்சைக் குழந்தை பிறந்தது.. 

அதனை வளர்த்து வாலிபம் பண்ணவேண்டிய தாய்மையும் தந்தைமையும் ஒருங்கே அவனுக்கு கடமையாக்கப் பட்டிருந்…

பிண ஊர்வலப் பூக்கள்..

உன்னை மறப்பதற்கான  
பயிற்றுவிப்பில் இருக்கிறேன் 
என் இதயத்துக்கு...!

ஒரு போலீஸ் நாய்போல 
உன் நினைவினை 
மோப்பம் பிடித்துக் 
குரைத்துக் கொண்டே 
கிடக்கிறது எந்நேரமும்.. !!

எனது வெற்றிகரமான 
ஒருதலைக் காதல் 
என்றோ காலாவதியாகி 
விட்டதென்கிற தீர்மானத்தில் 
அமைதியாகி விட்டிருந்த 
அதே இதய நாய்.. , 
எதற்காக மறுபடி 
உமது சுவடுகள் குறித்த 
குமுறலில் குரைக்க வேண்டும் 
என்பதே கேள்வி...!

நாயெனக் குரைக்கிற 
அதே இதயம் தான் 
அப்படியொரு அறிவுப் பூர்வக் 
கேள்வியையும் தொடுக்கிறது...!

ஒரு பரிமாணத்தில் 
ஏங்கியும் , மற்றொரு 
பரிமாணத்தில் ஆறுதலளித்தும் 
அந்நியன் விக்ரம் 
போன்று ஸ்பிலிட்டெட் 
பெர்சனாலிட்டி கொண்ட 
காதலில் தோற்ற 
கோடிக் கணக்கான 
இதயங்கள் இந்தப் 
பிரபஞ்சமெங்கிலும் 
சிதறிக் கிடக்கின்றன 
பிண ஊர்வலப் பூக்கள் போல.. !!


கோபக்காரன் கவிதை..

எனக்குள் கதறி 
சப்தமெழுப்பும் 
என் மௌனங்களும்.. 
எங்கோ சென்று 
அடங்கிக் காணாது 
தொலையும் எனது 
சப்தங்களும் .. 

மௌனங்களையோ 
சப்தங்களையோ 
எதன் பொருட்டும்
தவிர்ப்பதற்கில்லை 
என்பதோடு .. யாவும் 
அதனதன் பயணிப்பில் 
நகர்த்துகின்றன நம்மை.. !

க்ஷணநேர ரௌத்திரத்தில் 
அண்டை அயலாரிடம் 
நாம் பதிந்து வைத்திருந்த 
மேன்மை மென்மை என்ற 
தன்மைகளை -- மிக 
சுலபத்தில் இழக்கிறோம்.. 

 ஒரு கூப்பாடுக்குப் பிற்பாடு 
முந்தைய நாசுக்கை மறுபடி 
புதுப்பிப்பது என்பது  
செத்தாலும் நடவாது.. !
இருப்பினும் மெனக்கெடுகிற 
நம்மைக் கண்டு 
நமட்டாக சிரிக்கிற அவர்களைப் 
பார்க்கையில்... 
மேற்கொண்டு பிஸ்தாவாகவே 
வலம்வரத் தீர்மானம் 
கொண்டுவருவோம்.. !!





குற்றமே தண்டனை .. [பட விமரிசனம்}

விதார்த்தின் எதார்த்த நடிப்பை சொல்வதா.. மணிகண்டனின் நாசுக்குத் திரைக்கதை, மற்றும் காமெராவை சொல்வதா.. அவ்வப்போதைய இளையராஜாவின் தென்றல் வருடலை சொல்வதா.. 

ஒரு கொலை.. அதனை எவர் செய்திருப்பார் என்று ஊகிக்க திரை பிம்பத்தில் மொத்தப் பேரும் தடுமாற,  கவனிக்க வந்த கொட்டகை ரசிகர்களும் அதே தடுமாற்றங்களுக்கு உள்ளாகின்றனர்.. 

நிழல்கள் அங்கே  ஊகிப்பது போன்றே இங்கே நிஜங்களும் ஊகிக்க நேர்ந்தது மணிகண்டனின்  திறமைமிக்க திரைக்கதையால்.. !

2வது வரிக்குக் கூட தேவைப் படாத ஒற்றை வரிக் கவிதை இது.. 
அந்த ஒற்றை வரியிலும் மரபுக் கவிதையின் சந்தங்களும் நேர்த்திகளும் ஒருங்கிழைந்த பேரழகில் வார்த்திருப்பது தமிழ்ப் படங்களுக்கு மிக அந்நியம் மற்றும் புதியது.. 

இந்த நிகழ்வுக்கு சீராக விம்முகிற ஒரு இசையை ராஜா தவிர எவர்க்கும் சாத்தியம் இல்லை என்கிற மாயை மேலோங்குகிறது.. 

பார்வை குறைபாடு என்பது நமக்கே கண்ணைக் கட்டுகிறது .. 
விதார்த்தின் வாழ்க்கை நிலை போன்றே அந்த அப்பார்ட்மெண்டின் வீடும்.. அங்கங்கே அறுந்து தொங்குகின்றன.. 
ஷூட்டிங் முடிகிற வரைக்குமாவது இடிந்து விழாமல் இருந்ததே.. என்று ஆறுதல் பெருமூச்சை விடவைத்தது.. 
தம்மடித்துக் கொண்டு,…

ஈஷா யோகா மய்யம்.. [சன்யாசிகளின் பெற்றோர் சார்பாக..]

சமீபத்தில் ஈஷா-வில் நிகழ்ந்துள்ள விஷயங்கள் அதனை சார்ந்தவர்கள் மட்டுமின்றி இன்னபிறரும் அறிந்திருக்கக் கூடுமென்று அனுமானிக்கிறேன்..
எனக்குமே கூட ஈஷாவில் லயித்திருப்பது பிடித்தமானது.. அந்த ரம்மிய மலைசூழ் பிராந்தியத்தில் எப்படிக் கிடந்தாலும் ஏற்றுக் கொள்கிற பாங்கில் மனசிருக்கும்.. செருப்பினை பைகளில் அவர்கள் பெற்றுக் கொள்வதில் துவங்கி, குளியலறை, கழிவறை என்று அனைத்தும் பக்தி வாசம் பிரவகிக்கிற தன்மையில் தான் மேலோங்கி இருக்கும்..
அதற்கெல்லாம் முத்தாய்ப்பாக அந்த சந்திரகுண்ட சூரியகுண்ட குளியல் குளங்கள்..
முடித்துவிட்டு அந்த பிரம்மாண்ட சிவலிங்கம் முன்னர் கண்மூடி அமர்ந்து சற்றே தியானித்து .. விபூதி அணிந்து கொண்டு விடைபெற்று ..பிறகு பின்புறம் அமைந்துள்ள லிங்க பைரவி கோவில் சென்று ஆராதித்துவிட்டு குங்குமம் வாங்கிப் பூசி வந்துவிடுவேன்..
பின்னர் அவர்கள் பிரசாதமாக வழங்கும் எள்ளுருண்டை கறுப்பிலும் வெள்ளையிலும் மாறி மாறி ரெண்டையும் வெறிகொண்டு தின்று விடுவது என் சுபாவம்.. வீட்டிற்கென்று சில உருண்டைகள் வாங்கி வைத்துத் கொண்டாலும், அவைகளும் திரும்பப் பயணிக்கையில் அவ்வப்ப்போது கிள்ளிக் கிள்ளி வாயில் போட்டுக் கொண்…

முகநூலதிகாரம் ..

முன்னொரு காலத்தில் பரஸ்பர நட்பை நிர்ணயித்தவை கடிதங்களாக . இருந்தன... கல்யாணம் திருவிழாக்கள் என்று நிகழ்கையில் சந்தித்து அளவளாவி நெடு நேரம் உரையாடி .. போன.. வந்த கதைகளை சளைக்காமல் பிதற்றி,  விடை பெறுகையில் மனமில்லாமல் பிரிவது என்று இருந்தன.. மறுபடி கடிதங்களிட்டு விஷயங்களை பரிமாற ஆளாளுக்கு துரிதப் படுத்திக்கொள்ளப் பட்டன...!

பிற்பாடு டெலிபோன் வந்தது.. விரல் நுழைத்து சுழற்றி சுழற்றி .. ஒரு எண்ணை தவறுதலாக சுழற்ற நேர்ந்தாலும் மறுபடி முதலில் இருந்து.. 
பிறகு பட்டன் போன்.. அதிகம் ஒரு எண்ணை அழுத்த நேர்ந்தாலும் அதனை க்ளியர் செய்து விடுவது, மறுமுனையில் பிஸி என்றால் சில நொடி இடைவெளிக்குப் பிறகு ரீடையல் செய்வது.. 

மொபைல் வந்து.. தொடுதிரை வந்து ... மனதில் நினைத்தாலே அழைக்க வேண்டிய நபரின் செல் சிணுங்கும் அளவுக்கு அறிவியல் வளர்ச்சி கண்டுள்ளது.. 

இவைகள் அனைத்தையும் விட சக்தி வாய்ந்ததாக "முகநூல்" இன்றைய தேதியில் மாறி விட்டது என்பதில் எவர்க்கும் எள்ளளவு மாற்றுக் கருத்தும் இருக்க வாய்ப்பில்லை..  

என்றோ விடுபட்ட நண்பர்கள் .. எதற்கோ சண்டையிட்டு வருடங்கள் பல பேச்சு வார்த்தைகளற்று இருந்த எதிரிகள்.. என்ற…

இறுகி விட்டதடி....!

உதட்டூசியால்
முத்த நூல் கோர்த்து 
என் கிழிந்த 
காதலைத் தைக்க 
வந்த தையல் நீ.. 

கிழித்தது நீ என்கிற 
குற்ற உணர்வில் தான் 
தைக்கவும் வந்தாயோ?

மேற்கொண்டு பிய்ந்து 
போகிற சாத்யங்களற்று 
உமது தையல் கெட்டிப்
பட்டிருக்கிறது.. 

இற்றுதிர்ந்து போய் 
விடுமோ என்றிருந்த 
எம் காதல் இப்போது 
இறுகி விட்டதடி.. 

காறி உமிழ்கையில் 
அசூயை கொள்ளச் செய்கிற 
உதட்டெச்சில்---
முத்தப் பரிமாறல்களாக 
பரிணமிக்கையில் 
அமிர்தமெனத் திரிந்து விடுவது 
காதல் அமிலத்தின் 
மர்ம ரசாயன மாற்றமென்று
கொள்வோமாக.. !!

முரண்களின் ராஜ்ஜியம்..

முரண்களினூடே 
இயங்கப் பெறுகிறது 
வாழ்க்கை.. 
யாதொரு ப்ரத்யேகத் 
தன்மையிலுமாக 
நிலைத்திருப்பதற்கான 
சாத்தியக் கூறுகளற்ற 
குழப்பங்களைப் பற்றிக் கொண்டே 
நீள்கிறது காலம்.. !

பற்றற்றிருப்பதற்கான லாவகம் 
பிடிபட்ட தெளிவில் இருக்கையிலேயே 
பொருள்கள் மீதான 
பேராவல் பீறிடுகிறது.. 

மௌனத்தை மய்யப் படுத்த 
முனைகையிலேயே
ஏதேனும் முணுமுணுக்க 
வாய் பிரயத்தனிக்கிறது.. 

வேசி வீட்டு பூஜையறையில் 
வருகிற பக்தி 
கோவிலில் அவளைப்
பார்த்துவிட நேர்ந்த போது
வராமல் மறுதலித்து விட்டது.. !

மரணத்திற்கு எதிர்மறையான 
இந்த வாழ்க்கை.. 
மரணத்துடன் ஒப்பிடுகிற
தகுதியையே இழந்து 
நிற்பதாகத் தோன்றுகிறது.. 

மரணம் தெளிவானது .. 
குழப்பமற்றது.. 

புதைப்பதா எரிப்பதா 
என்கிற முரண்பட்ட 
சடங்குகளுக்குரிய குழப்பங்கள் 
வாழ்பவர்களின் பிரச்சினை மட்டுமே.. !

காதலிக்கத் தெரியாதவன் எழுதிய கவிதை..

காதல் வயதைக் கடந்து.. 
காதலற்ற வாழ்வைக் கடந்து.. 
'காதலற்ற' எனில் 
'பரஸ்பர காதலற்ற'... !

ஓராயிரம் ஒருதலைக் காதல்களில் 
தோற்ற சுகானுபவங்கள் 
குவிந்து கிடக்கின்றன என்னுள்.. 

எதிரினத்தை நம்மைக் காதலிக்க 
வைக்கிற நாசுக்குத் தெரியாத 
நபரின் சோம்பேறி த் தனம் தான் 
இந்த ஒருதலைக் காதல் என்பது...!

ஓர் ஆண் தெரு சொறி நாய் கூட 
அன்றாடம் குளித்து மொசுமொசுவென்று 
பங்களாவுக்குள் வலம் வருகிற 
பெட்டை நாயை சரி செய்வது 
சாத்யத்தில் இருக்க.. 
--பெண்ணை அணுகும் சாதுர்யம் புரியாத 
புண்ணாக்காக நான் மட்டுமே 
காதலிக்கிறேனாம்.. கட்டுக் கட்டாய்க்
கவிதை புனைந்து கிழிக்கிறேனாம்.. 
என் காதல் தோல்விக் கவிதை புத்தகம்
நான்கு தாண்டி ஐந்தாம் பதிப்புக்கு 
எகிறுகிறதாம்.. !!

பெட்டி  க் கடையை மளிகை க் கடையாக 
மாற்றி.. அதையே டிப்பார்ட்மெண்ட் ஸ்டோராக
மாற்றி .. மொபெட் போய், பைக் போய், கார் 
என்று உச்சம் போகிற நச்சென்ற மனிதர்கள் 
நிரம்பிய சமூகத்தில் ... 
பெட்டிக் கடையே கடனில் மூழ்கி 
சரக்குப் போட்டவர்கள் காறித்துப்புவது 
தான் கையாலாகாத ஒருதலைக் காதல் என்பது.. !

மனதையும் உடலையும் மாண்போடு வைத்திருந்தால் 
காதலிக்க வயதேது ? மண்ணேது ?
கூனிக் குறுகி…

இன்று துவங்கிய காதல்.

இளைப்பாறல் 
என்பதை உமது 
மடி  எனக்கு இன்று 
அறிமுகப் படுத்திற்று ..

உன்னைக் கனவில் 
காண்பதற்காக விரும்பி 
உறங்கிய இரவுகள் 
நேற்றோடு விடைபெற்றன.. 

உறங்கியும் நீ அற்ற 
வேறு கனவுகளால் 
எமதுறக்கம் நோய்வாய்ப்
பட்டதாகவே தோன்றிற்று..!

ஓரிரவில் கடும் காய்ச்சலெனக்கு..
ஆனால் அன்றைய கனவில் 
நீ வந்ததும் காணாமற் 
போயிற்றென் காய்ச்சல்...

நீ கிடைக்கப் போராடிய 
அந்தக் காலகட்ட
மலரும் நினைவுகள் என்பன 
இன்று நீ கிட்டியதற்கு 
ஒப்பானவையே.. 

பின்னொரு நாளில் 
எதற்கேனும் நிகழவுள்ள 
நம்முடைய  மனஸ்தாபங்களை 
அனுமானிக்க முடிகிற 
என்னுடைய 
தீர்க்க தரிசனங்களை 
அபசகுணமாக சித்தரிக்க 
முயல்கின்ற உன்னுடைய 
இந்த க்ஷண  காதல் என்பது..
என்னுடைய அனைத்த 
தருணங்களை விடவும் 
முக்கியத் துவம் வாய்ந்தது.. !!

அகாலம்

இழவு வீட்டில்
அழும் பெண்களில் 
அழகி தேடும்
சபலக் கண்கள் ..
இறந்தவரின்
உறவுப் பெண் வந்து
கட்டித் தழுவி
அழ நேர்கையில்
மார்புச் சூட்டில்
மயங்கிடும் கயமை..
செத்தவன் அறிவான்
சேற்றுப் பன்றி
இவன் என்று...
எழுந்தா வரப் போகிறான்
எமனோடு ஓடிப் போனவன்?
நேற்றுக் கூட
புத்திமதி சொன்னானவன்.
"மற்றோரின் பெண்டிரில் விழுந்தால்
நீ நாறி.. உன் தாய் மனைவி மகள் நாறி.."
-- சொன்ன உத்தமன்
எல்லாரையும் நாறவிட்டுப்
போயே விட்டான்..
இப்படித்தான் சமயங்களில்
உன்னதமானவர்கள்
அகாலமாகத் தொலைவதும்
ஊதாரிகள் அகாலமாக
வாழ்வதும் ..
இப்பிரபஞ்சத்தின்  சுலப நிகழ்வாகி விடுகிறது.. !!?

கபாலி.............. சினிமா விமரிசனம்

"மகிழ்ச்சி".... படம் நெடுக இது இல்லை எனிலும், அவ்வப்போது ரஜினியால் தூவப்படுகிற அனாவசிய ஒற்றை வார்த்தை.. 
புதிதாக அகராதியில் சேர்க்கப் பெற்ற வார்த்தை போன்று மக்களுள் இப்போது தான் இந்த வார்த்தை உதடுகளில் குடி புகுந்துள்ளது... 
அனுபவங்களாக இருந்த கட்டங்களில் கூட உச்சரிக்கப் படாத இந்த வார்த்தை, மிகப் பெரும் அவ்ஸதையில் சிக்கிக் கொண்ட பிற்பாடு உதட்டளவில் பிதற்ற வேண்டிய சூழலை உருவாக்கி இருக்கிறது கபாலி.. 
மனைவி தேடி கண்டங்கள் கடக்க நேர்வதைப் பார்க்கையில் இது ரஜினி படமா ரஜினியின் மனைவி படமா என்கிற சந்தேகம் எழுகிறது..

சினிமா உலகம் பாலை வெளியாயிருந்த கால கட்டங்களில் தமது வருகையால் 'பாலைவன சோலை' யாக மாற்றிய ஒரு மனிதன்..
இன்று.. டெக்நிக்கல் விஷயங்களில் அபரிமிதம் நிரம்பி பருத்துத் தழைத்துக் கிடக்கிற சினிமாவை எதற்காக கபாலி வந்து இப்படி ஒரு பாலைவனமாக்க வேண்டும்?
பைனான்சு நடத்தி ஏமாற்றுகிறவன் கூட ஒரு குறிப்பிட்ட பிராந்தியத்தை சார்ந்த மக்களை மட்டுமே ஏமாற்ற முடியும்.. ஆனால், இந்தக் கபாலி உலகத்தையே.. மொத்த உலக மக்களையே மட சாம்பிராணி ஆக்கி விட்டதே.. !
குழந்தைக்கு ஹார்லிக்ஸ் பூஸ்ட் வாங்குவதைய…

மணக்கிற நாற்றங்கள் ..

கழிவேறும் பிராந்தியங்கள் மீதாக  
பிரத்யேக காம உணர்வினை 
செருகி இருக்கிற 
படைத்தவனின் கூற்று 
விவரிக்கிற வார்த்தைகளை 
தொலைத்தவை.. 

திரேகம் எங்கிலும் 
வியர்வை நாளங்கள் 
பீய்ச்சி அடித்த ஈரம்.. 
அதனை அசிங்க அடையாளமாக 
காண்பிக்கிற நமது உடைகள்.. 
அதற்கொரு பிரத்யேக துர்நாற்றம்.. 

பரஸ்பரம் 
மனிதக் கழிவுகள் மட்டுமே 
இன்னொரு மனிதனை 
அசூயை கொள்ள செய்கிறது.. 

ஒரு காகத்தின் எச்சம் 
ஏற்படுத்தாத அருவருப்புணர்வு 
காலில் மலம் மிதி படுகையில் 
நிகழ்ந்து விடுகிறது.. !

சிகப்புக் குருதி உள்ளோடும் 
பச்சை நரம்புகள்..
புடைத்து சீழ் கோர்த்து நிற்கிற 
மருந்திட  மறந்த காயங்கள்....

இன்னும் அடுக்கிப் பட்டியலிட 
ஏராள நாற்றங்கள் உண்டு மனிதனிடத்து.. 

ஆனால் விளக்கணைந்த 
இருண்ட  அறைகளில் 
நுகர்கிற பிரக்ஞையை அறவே இழந்து 
அனைத்தும் மணக்கிறதென்று 
தம் கற்பனைகளுக்கு 
அரிதாரம் பூசிக் கொள்கிறான் ..!!

ஸ்வாதிகளும் ராம்குமார்களும்..

சமூக வலைதளம் என்பது கத்தி போல.. 
சாதுர்யமாக நடையிட சாத்திய ப் படவில்லை எனில், நம்மைக் காய படுத்துவது மட்டுமன்று ... ரெண்டு துண்டாக்கிக் காணாமற் செய்து விடும்.. !
சாட்டிங்கில் ஒரு நபருடைய அந்த சாட் செய்கிற மொழி, அவர் பேசுகிற வாய்வழி மொழி, இவை போக நேரில் பார்க்கையில் அவரது உடல் மொழி யாவற்றையும் கிரகிக்கிற ஆற்றல் ஒரு பெண்ணுக்கு மிக முக்கியம்.. 

பொதுவாகவே உணர்ச்சிவசப் படுதல் என்பது ஆண் இனத்தின் பொது இயல்பு.. அது ஆறறிவிலும் சரி, ஐந்தறிவிலும் சரி.. 
எந்தப் பெட்டை நாய்களும் ஆண் நாயைப் புணர்வதற்கான முஸ்த்தீபை 
மேற்கொள்வதில்லை...! பெண்மயில்களை மயக்கத் தான் ஆண் மயில்கள் தோகை விரித்தாடுகின்றன.. 

ஆனால் சமீப காலமாக மனித இனத்தில் மாத்திரம் பெண்கள் ஆண்களிடத்தே தோகை விரித்தாடுகிற விபரீதங்கள் எங்கெங்கிலும் நிகழ்ந்தேறுவதாக அனுமானிக்க முடிகிறது.. 

பார்க்குகள் என்பன திறந்தவெளி விபச்சார விடுதிகள் போன்றே எல்லா ஊர்களிலும் புரிபடுகின்றன. காதல்களும் கள்ள க் காதல்களும் களேபரப் படுகின்றன அந்த சிமெண்ட் பெஞ்சுகளில்.. !!

தரமில்லாத ஒருவன் தனது காதலை வெளியிடும் பட்சத்தில் அதனை நாசுக்காகக் கையாள வேண்டிய தார்மீகப் பொறுப்பு அத…

காதல் பூதம்

உன்னைக் குளிப்பாட்டுகிற 
தண்ணீர்...
நீ உண்ணச் சமைத்துத் 
தருகிற நெருப்பு.. 
நீ சுவாசிக்க உன் 
நாசிக்கு உதவுகிற காற்று.. 
நீ உலவுமிடமெல்லாம் 
உன்னை நிரப்புகிற -
உன்னில் நிரம்பிக் கொள்கிற 
ஆகாயம்.. 
எங்கு நீ சென்றாலும் 
உன்னைத் தாங்கிப் பிடிக்கிற 
நிலம்.. 

-எனக்கும் இதே 
பஞ்சபூதங்கள் தாம் 
எவ்விதப் பாரபட்சங்களும் அற்று 
இந்தப் பிரபஞ்சத்தில் 
நியமிக்கப் பட்டுள்ளன.. 
என்றான போதிலும் --

உமக்கு நியமிக்கப் பெற்றுள்ளவை 
மிகப் புனிதம் போன்றும் 
என்னிலிருந்து வேறுபட்டவை 
போன்றும் 
அடாத மாயையைத் 
திணித்து வைத்திருக்கிறது 
இந்தக் காலமென்ற 
காதல் பூதம்.. !!

நிபுணர்கள்..

எதிலும் நிபுணத்துவம் 
அற்று .. நான்.. !
இந்த வெறுமை 
என்னில் சீழ் 
கோர்த்த வலி 
நிகழ்த்துகிறது.. !!

சட்டைக்கு பொத்தான்
வைப்பது, ஹெம்மிங் செய்வது 
போன்ற அற்ப வேலை 
முதல் அனைத்தும் 
தகராறு எனக்கு.. !

எதனை நான் 
மெனக்கெட்டு செய்தாலும் 
நொட்டை சொல்லவென்று 
அதற்கான நபர்கள் 
வாரிக் கொட்டியது போன்று 
குவிந்து கிடக்கின்றனர்.. 

நான் சுவாசிப்பதைக் கூட 
யோகா வல்லுநர், 
'அப்படி இல்லை... இப்படி'
என்று இழுத்து வாங்குகிறார் 
மூச்சினை.. !

நடைப் பயிற்சியில் 
நேர்த்தி இல்லை .. 
'இப்படி நீளமா 
அதற்கும் இதற்குமா 
கைகளை வீசி 
கால்களை நேர்ப்படுத்தி
வேகமாய் நடக்கணும்'
என்கிறார் சிறந்து 
விளங்கி நடப்பவர்.. 

இயல்பாக நம்மோடு 
இழைந்து கிடக்கிற 
நடையும் மூச்சும் கூட 
இன்னும் நன்கு 
பயிற்றுவிக்கப் பெறவேண்டிய 
இழி தகுதியில் இருப்பதை 
எங்கு போய் முறையிட?

நான் செத்துப் 
போனாலும் கூட. 
'இப்டி சாகக் கூடாது பாஸ்.. 
அந்த மாதிரி அழகா .. போறதே 
புரியாம..!' 
என்றொரு மரண நிபுணன் 
அறிவுறுத்தக் கூடும்.. 
குறைந்தபட்சம் 
அந்தக் 'குறைபாடை' 
கேட்க மட்டுமாவது 
நல்ல வேளையாக . 
நான் இருக்கமாட்டேன்.. ஹிஹி..!!