Skip to main content

அ மி ல ம் ... .... ...

முன்குறிப்பு: இந்தக் கதை எமது அனுபவமன்று.... பற்பல கோணங்களில் வாழ்வினை சிந்திக்கிற வெறி .. எழுதவிழைகிற யாதொருவரின் தார்மீக சுதந்திரமாகி விடுகிறது, திட்டமிடா யதார்த்தமாகவே ..!!

Image result for one side lovers
முன்னொரு காலத்தில் ஒருதலைக் காதலில் தத்தளித்தது  "இப்போதைக்கு" என்னவோ பரவாயில்லை என்று தோன்றுவது வினோதமாக இல்லை?.. 
நீயும் கூட எனது அந்த ஒருதலைப் பட்சக்  காதலினை சுலபமாக அடையாளம் கண்டாய், மற்றும் ஒரு சாதாரணத் தோழனாக ஏற்றும் கொண்டாய்.. உமது இல்லம் வருகையில் புன்முறுவலோடு எம்மை வரவேற்றாய்.. உனது தாய்க்கும் தம்பிக்கும் என்னை 'இன்னார்' என்கிற ஓர் தகவலைக்  கூடக்  கொடுத்தாய்.. 

இன்றைய நமது சமுதாயத்தில் அங்கங்கே அவ்வப்போது நிகழ்ந்து கொண்டுவருகிற  பெண்கள் மீதான வெட்கமற்ற கேவலமான கொலைவெறித் தாக்குதல்களும், பிற்பாடு தாக்கிய அந்தப் பரதேசிகள்  தங்களையே  கொன்று விடுவதுமாக .. 

இந்தக் காலகட்டத்தின் ஒருதலைக் காதலர்கள் எல்லாம் துரதிர்ஷ்ட சாலிகள்.. நிச்சயம் அந்தப் பெண் துணுக்குற நேரும்.. தவிர்த்துவிட நேரும்.. தறுதலைகளின் ஒருதலைக் காதல்களால் தராதரத்தோடு ஒருதலைக் காதல் (?) செய்து வருகிற மாண்பு மிக்க மெல்லியவர்களும் பாதிக்கப் பட்டு அந்தத் 'தோழன்' என்று என்போன்று ஏற்றுக் கொள்ளப் பட்ட அப்பாவிகளும் கூட ..மேற்கொண்டு சற்றே  பார்க்கவாவது, ,பேசவாவது, பழகவாவது என்பவை மொத்தமாகப் பாழாகும் விபத்துக்கள் நடைபெறக் கூடும்.. 

அந்த முன்னாள் ஒருதலைக் காதலர்களின்-- காதலிகள் [?] எல்லாருமே கூட இன்றைய சூழலை அன்றோடு ஒப்பிடப் பட்டு ஒருவகைத் திகிலில் உறைய நேரும்.. தற்போதய கணவன் குழந்தைகள் என்கிற உறவுகளினிடத்துக் கூட பகிர்ந்து  கொள்ள வேண்டுமென்கிற அவா ஒன்று புறப்பட்டு .. சபை நாகரீகம் கருதி மௌனிக்க நேரும்.. !

அடர்த்தி மிகு ப்ராயங்கள் கடந்தாயிற்று, பரஸ்பரம் முன்னர் போன்று நாம் பார்த்தும் பேசியும்....!
உம்மைக் குறித்த தொடர் நினைவலைகளில்  ததும்பித் ததும்பி நோய்வாய்ப் பட்டுக் கிடந்தது எனது இதயம்.. 
அது போதாதென்று வேறு நான் சிகரெட் புகையை அதீதம் உள்ளிழுத்து மேற்கொண்டும் அந்த சின்ன இதயத்தை சின்னாபின்னப் படுத்தத் தலைப்பட்டேன்.. 
இருமலும் செருமலும் ஒருங்கிழைந்து பசி தூக்கம் எவையும் பொருட்டற்று .. பிறவிச் சோம்பேறி போன்று கிடந்தேன்.. 

காலம் எனக்கும் மனைவி என்றொரு உறவை செருகி வைத்தது.. 
அவளது இறந்த காலங்கள் என்னிடம் மறைக்கப் பட்டதை நான் பெரிது படுத்தவில்லை.. ஆனால் என்னால் அவ்விதம் யதார்த்தம் அற்று இறுக்கமாக இருக்கப் பிடிபடவில்லை.. ஆதலால் எனது தாடி வளர்த்த கதையை விவரிக்க முனைந்தேன்.. 

நிகழ் சூழலில் உன் மீதாக ஒரு வகையறியா ரௌத்திரம் என்னில்  வியாபித்திருப்பது கண்டு ஆச்சர்யமுற்றேன்.. முகத்தில் அமிலம் அடிக்கிற அளவுக்கு அது இல்லை என்ற போதிலும் ஓங்கி கன்னங்களில் ரெண்டு அறைகள் விடலாமே என்கிற அளவுக்கு..!!

இதனை நானெனது மனைவியிடத்து தெரிவித்த போது அவளும் அதனை ஆமோதித்தது என் அபிப்ராயத்தினை இன்னும் நேர்த்தியாக்கிற்று.. 
எனது நியாயமான காதலை எனது மனைவி நன்கு புரிந்து கொண்டதாகவே உணர்கிறேன் அவளது ஆமோதிப்பை.. 
உம்மைக் குறித்த என்னுடைய இந்த திடீர் வன்மம் .... முகத்தில் வீசி எறிய நினைக்கிற அமிலத்துக்குக் கொஞ்சமும் குறைவற்றதாகவே எனக்குத் தோன்றுவதேனோ?

'ஆனால் அப்படி எல்லாம் உன்னை அறைந்து விடக் கூடாது '
என்கிற விஷயம் சேர்ந்து கொள்கிறது  இந்நாட்களின் எமது அன்றாடப் பிரார்த்தனைகளில்.. !!

Image result for one side lovers

Comments

Popular posts from this blog

பச்சையாய் ஒரு செக்ஸ் ஜோக் ....

ஓர் மனைவி தனது கணவனிடத்து யதார்த்தமாகச் சொன்னாள் ..:

"நேற்றொரு செய்தி படித்தேன்... பிரபல ஆஸ்பத்திரி ஒன்றில் ஓர் பெண் நோயாளி ஒருத்தி இன்னும் சற்று நேரத்தில் ஆப்பரேஷன் தியேட்டருக்குள் செல்லவிருக்கிறாள்... அவளை ஆடை மாற்றச் சொல்லி ஓர் ஆண் செவிலியர் வந்து சொல்கிறார்.. அதன் நிமித்தம், அவள் பாத்ரூம் சென்று ஆடை மாற்றுவதை ஒளிந்திருந்து பார்க்கிறார்.. மறுபடி படுக்கச் சென்ற அந்த நோயாளிப் பெண்ணை, சிறிது நேரம் கழித்து மறுபடி வேறு ஆடை மாற்ற வேண்டுமென்று சொல்ல, அந்தப் பெண் அவ்விதமே செய்ய பாத்ரூம் செல்ல, பின்னிருந்து வந்த அந்த ஆண் நர்ஸ் அந்த நோய்வாய்ப் பட்ட பெண்ணை கட்டி அணைக்க முயல, அவள் கதறி கூக்குரலிட்டு எல்லாரையும் வரவைத்து அந்தப் பனாதிப் பயலின் மானத்தை வாங்கி, கடைசியில் கைது செய்து வேனில் ஏற்றினார்களாம்".. 

அதற்கு அவளது  கணவன் சொன்னான்:

"நல்ல வேலை.. அந்த இடத்தில் நீ இருந்திருந்தால் கதறியும் இருக்கமாட்டாய்.., அவன் அரெஸ்ட்டும் ஆகி இருக்கமாட்டான்.. "

RX 100 YAMAHA.. RX 100 YAMAHA....

RX  100 YAMAHA....1994 ஆம் ஆண்டு ஜூலை மாதம் வாங்கிய யமஹா ஆர் எக்ஸ் ஹன்றடை நேற்றுத் தான் எக்ஸ் சேஞ் செய்து sz-x என்ற ஓர் யமஹா பைக்கை எடுத்தேன்...
கடந்த பதினெட்டு ஆண்டுகள் இதே பைக்கை உபயோகித்து வந்தேன்... என்னவோ காதலி பிரிகிற உணர்வு... நீண்ட நாள் நண்பன் கண் காணாத ஊருக்கு செல்வது போன்ற தாங்கொணா வேதனை... வாரி அனைத்து பல முத்தங்கள் தந்து விடத் தோன்றியது... அழவில்லையே தவிர எனக்குள் ஓர் கசிவு உள்ளே என்னை முழுதுமாக நனைத்திருந்தது... இதற்கு அழுதால் சிரிப்பார்கள் என்கிற லஜ்ஜை, அழுவதை மறைக்க வேண்டியாயிற்று.. அன்றைய யவ்வனத்தில், யுவனாயிருந்த காலத்தில் ... விழித்துக் கொண்டே கண்ட கனவு தான் அந்த யமஹா... லட்சணத்துக்கும் அதிவேகத்துக்கும் ப்ராபல்யமான அந்த பைக்கை ஆசை ஆசையாக நான் வாங்கியது என் அப்பாவுக்கு எரிச்சல் தந்தது... மைலேஜ் அதிகம் தராது என்பதோடு விபத்துக்கான சாஸ்வதங்களும் இந்த பைக்கில் அதிகம் உண்டு என்கிற அக்கறை தான் என் அப்பாவின் கோபமும் எரிச்சலும் என்பது என் இளமைனதுக்குப் புரிபடவில்லை...
ஆனால் எனது நண்பர்கள் மத்தியில் அந்த பைக் பெருமிதமான விஷயமாயிற்று... அதனை வசப்படுத்த இயல்பான வசதி வேண்டும் என்பதோ…

கபாலி.............. சினிமா விமரிசனம்

"மகிழ்ச்சி".... படம் நெடுக இது இல்லை எனிலும், அவ்வப்போது ரஜினியால் தூவப்படுகிற அனாவசிய ஒற்றை வார்த்தை.. 
புதிதாக அகராதியில் சேர்க்கப் பெற்ற வார்த்தை போன்று மக்களுள் இப்போது தான் இந்த வார்த்தை உதடுகளில் குடி புகுந்துள்ளது... 
அனுபவங்களாக இருந்த கட்டங்களில் கூட உச்சரிக்கப் படாத இந்த வார்த்தை, மிகப் பெரும் அவ்ஸதையில் சிக்கிக் கொண்ட பிற்பாடு உதட்டளவில் பிதற்ற வேண்டிய சூழலை உருவாக்கி இருக்கிறது கபாலி.. 
மனைவி தேடி கண்டங்கள் கடக்க நேர்வதைப் பார்க்கையில் இது ரஜினி படமா ரஜினியின் மனைவி படமா என்கிற சந்தேகம் எழுகிறது..

சினிமா உலகம் பாலை வெளியாயிருந்த கால கட்டங்களில் தமது வருகையால் 'பாலைவன சோலை' யாக மாற்றிய ஒரு மனிதன்..
இன்று.. டெக்நிக்கல் விஷயங்களில் அபரிமிதம் நிரம்பி பருத்துத் தழைத்துக் கிடக்கிற சினிமாவை எதற்காக கபாலி வந்து இப்படி ஒரு பாலைவனமாக்க வேண்டும்?
பைனான்சு நடத்தி ஏமாற்றுகிறவன் கூட ஒரு குறிப்பிட்ட பிராந்தியத்தை சார்ந்த மக்களை மட்டுமே ஏமாற்ற முடியும்.. ஆனால், இந்தக் கபாலி உலகத்தையே.. மொத்த உலக மக்களையே மட சாம்பிராணி ஆக்கி விட்டதே.. !
குழந்தைக்கு ஹார்லிக்ஸ் பூஸ்ட் வாங்குவதைய…