Skip to main content

Posts

Showing posts from November, 2016

பென்ஸில் - ரப்பர் - மெஷின்...

நாம் காதலர்களாக இருந்திருக்கும் பட்சத்தில் எனது இப்பிறப்பு நிச்சயம் மேன்மை பெற்றதாக என்னால் உணர்ந்திருக்க முடியும்..
அந்தப் பொன்னான காதலிக்கிற காலங்களை பூங்காக்களிலும் கடற்கரை மணலிலும், சினிமா கொட்டகைகளிலும் இவை போக இன்னபிற பிராந்தியங்களிலும்.. நமது அற்புத காதலின் வீச்சு பரஸ்பரம் நமது ரசனைகளையும் உடல் ரசாயனங்களையும் பிரம்மாதப் படுத்தி இருக்கக் கூடும்..  

அந்த முதல் ஸ்பரிசமும், பிற்பாடான ஆலிங்கணங்களும் , நீண்டு .. நீண்டு இத்யாதி இத்யாதி என்று படர்ந்து .. ஒருகட்டத்தில் அந்த நறுமணம் கமழும் திருமண பந்தத்தில் காலடி எடுத்துவைத்து .. குழந்தைகள் .. சிற்சிறு சர்ச்சைகள், சற்றே மனஸ்தாபங்கள், மறுபடி இளகி .. பழைய விதமாக இணக்கப் படுவது .. என்கிற ஸ்தாயியில் யாவற்றையும் வரிசைக் கிரமமாக காலமோ கடவுளோ வாரி வழங்கி இருக்கும் பட்சத்தில்.... நினைத்தாலே இனிக்கிறதே..

ஆனால், துரதிர்ஷ்ட உச்சத்தில் எனது நிலை.. எம்மை சகோதர ஸ்தானத்தில் ஏற்கின்ற யோக்கியதையை கூட நான் இழந்து விட்டிருப்பதாக ஏனோ நீ ஒரு முறை என்னிடம் சொல்லித் தீர்த்தாய்..!
இத்தனை உமது வன்மத்திற்கான பிரத்யேக காரணி எதுவாக இருக்கமுடியும் என்று என்னால் யோசிக்கி…