உன்னைக் குளிப்பாட்டுகிற
தண்ணீர்...
நீ உண்ணச் சமைத்துத்
தருகிற நெருப்பு..
நீ சுவாசிக்க உன்
நாசிக்கு உதவுகிற காற்று..
நீ உலவுமிடமெல்லாம்
உன்னை நிரப்புகிற -
உன்னில் நிரம்பிக் கொள்கிற
ஆகாயம்..
எங்கு நீ சென்றாலும்
உன்னைத் தாங்கிப் பிடிக்கிற
நிலம்..
-எனக்கும் இதே
பஞ்சபூதங்கள் தாம்
எவ்விதப் பாரபட்சங்களும் அற்று
இந்தப் பிரபஞ்சத்தில்
நியமிக்கப் பட்டுள்ளன..
என்றான போதிலும் --
உமக்கு நியமிக்கப் பெற்றுள்ளவை
மிகப் புனிதம் போன்றும்
என்னிலிருந்து வேறுபட்டவை
போன்றும்
அடாத மாயையைத்
திணித்து வைத்திருக்கிறது
இந்தக் காலமென்ற
காதல் பூதம்.. !!
No comments:
Post a Comment