தோல்வி..........

 

தோல்விகளுக்கும் 
எனக்குமான சிநேகிதம் 
'தாயும் புள்ளையும்' போல.. 

அதனிடையே கிஞ்சிற்று 
அவ்வப்போது எட்டிப் 
பார்க்கிற வெற்றிகள் என்பன 
'புற்றுப் பாம்பு' போல.. 

மடியினில் சாய்த்து 
தாய் அக்கறையோடு 
உறங்க வைப்பன தோல்விகள்.. 

தட்டி எழுப்பி 
உறக்கம் கலைத்து 
தடுமாறச் செய்வன வெற்றிகள்.. 

பழக்கமான சொந்தங்கள் போல 
பரஸ்பரம் ஆரத் தழுவச் 
செய்கின்ற தோல்விகள்.. 

பணக்காரத் திமிரோடு 
பாராமுகமாய் அலட்டிக் 
கொள்கிற வெற்றிகள்.. 

படுதோல்விக் கற்கள் வீசி 
இந்த வெற்றி நாய்களை 
விரட்டியடிப்பதில் நான் 
கைதேர்ந்தவனாக்கும்.. !!